Komputer Dövrü

08 yanvar 2020-ci il tarixində Azərbaycan Respublikasının Gənclər Fondunun maliyyə, Sumqayıt şəhər Gənclər və İdman Baş İdarəsinin və Gənclər Evinin birgə təşkilatçılığı ilə Gənclər Fondunun XIII qrant müsabiqəsində qalib olan “Gənclərin Vebinar dərsi” layihəsi çərçivəsində kompyuter proqramları tədrisinə başlanılmışıdr.

Layihə rəhbəri Şəms Şükürova çıxışında layihənin məqsədinin gənclərin internet məkanında və informasiya texnologiyalarından səmərəli istifadəsini təmin etmək, kompyuter xüsusən dizayn proqramları sahəsində biliklərə yiyələnmələri, daha rahat, vaxtlarına qənaət edərək interaktiv üsulla bacarıqlarını inkişaf etdirmək və gələcəkdə məşğulluqlarının təmin edilməsinə imkan yaratmaqdan ibrarət olduğunu bildirdi. Qeyd olundu ki, layihə çərçivəsində ümümilikdə 6 dərs proqramı tədris olunacaq və sonda iştirakçılara sertifikatlar təqdim olunacaq.

Tədbirdə çıxış edən Sumqayıt Gənclər Evinin direktoru Pəri Vəliyeva ölkəmizdə və şəhərimizdə uğurla həyata keçirilən dövlət gənclər siyasətindən, gənclərə göstərilən diqqət və qayğıdan danışmış və iştirakçılara uğurlar arzu etmişdir.

Daha sonra gənc proqram təminatçısı Əli Miriyev tərəfindən vebinar formatda kompyuter sahəsində ilkin anlayışları olan 16 nəfər iştirakçıya Microsoft office paketi çərçivəsində MS PowerPoint proqramının ilkin anlayışları, texniki xüsusiyyətləri və işləmə müxanizmi haqqında məlumatlar verilmişdir. Bildirildi ki, proqramdan əsasən qrafiklər, şəkillər, audio və videokliplər, vasitəsilə təqdimatların və bir çox çap məhsullarının yaradılması üçün geniş istifadə olunur.

Sonda iştirakçılara çay süfrəsi təşkil edilmişdir.
#AzGF #GenclerFondu #XIIIQrantMüsabiqesi
Azərbaycan Gənclər Fondu / Azerbaijan Youth Foundation